Пожар во старечки дом во село Чемерско, сите лица евакуирани
Пожар го зафатил старечкиот дом во кавадаречкото село Чемерско, каде што се сместени триесет лица. Информацијата ја потврди градоначалникот на Кавадарци, Митко Јанчев, за МИА.
Брза реакција на службите
На терен веднаш интервенирале екипи на пожарникари, медицински лица и полицајци. Благодарение на нивната навремена реакција, нема жртви.
Евакуација на лицата од домот
-
„Нема жртва, тоа е најбитно. Приоритет беше да се извлечат на безбедно сите лица што престојуваат во домот,“ изјави градоначалникот Јанчев.
Изјавата на градоначалникот на општина Кавадарци Митко Јанчев за пожарот во домот за стари лица с. Чемерско може да ја погледнете во продолжение:
Два минибуса и пет амбулантни возила биле испратени на местото на настанот за транспорт на лицата до Општата болница во Кавадарци. Оттаму, семејствата ќе можат да ги преземат своите најблиски.
Причините за пожарот сè уште се истражуваат.