Извршната директорка на ММФ, Кристалина Георгиева изјави дека сега ќе претстави предлог за распределба на СДР, најголема во 77-годишната историја на меѓународната финансиска институција, до Управниот одбор на Фондот и претставници на сите земји членки на ММФ.
– Ова е голем поттик за иницирање активности во светот, истакна Георгиева пред следниот состанок на министрите за финансии на Г20 и гувернерите на централните банки во Венеција, кој започнува денеска.
Алокацијата на СДР, посочи Георгиева, ќе ги зголеми ликвидноста и резервите на сите наши земји членки, ќе ја зајакне довербата и ќе ја зајакне отпорноста и стабилноста на глобалната економија.
Во 2009 година, ММФ распредели СДР резерви од 250 милијарди долари на земјите членки за да помогне во ублажување на ефектите од светската финансиска криза. СДР се девизни средства на ММФ, составени од кошница со валути – доларот, еврото, јенот, фунтата и јуанот.
За да можат да го потрошат распределениот износ на СДР, државите прво мора да ги разменат за една од основните силни валути, што бара од нив да најдат земја партнер која е подготвена да разменува.