Денешната одлука за Хашим Тачи, Јакуп Красниќи, Кадри Весели и Реџеп Селими е одлука што ја сметам за неправедна и длабоко разочарувачка, се вели во реакцијата на лидерот на ДУИ, Али Ахмети.
„Во овие тешки моменти, повикувам на разумност и единство. Не смееме да паднеме во ниту една замка што има за цел да создаде тензии, поделби или да ја оцрни ослободителната борба на народот во Косово.
УЧК застана како одговор на угнетувањето и се бореше за слободата на Косово. Некогашните тврдења за трговија со органи, кои со години тежеа врз УЧК и нејзините водачи, не се претворија во обвиненија во овој процес. Исто така, Судот денеска ги прогласи за невини обвинетите за злосторства против човештвото; и потенцираше дека УЧК имала за цел независност на Косово, цел што беше и постигната. Ова се факти кои треба да се помнат секогаш кога некој се обидува да ја прикаже УЧК како криминален потфат.
Обвинението ги товареше Тачи, Красниќи, Весели и Селими за одговорност за низа наводни злосторства во текот на 1998-1999 година. Веруваме дека и овие обвиненија ќе паднат во понатамошниот судски процес, исто како што не се материјализираа ниту некогашните тврдења за трговија со органи.
Процесот не завршува тука. Веруваме дека одбраната ќе ја продолжи правната битка во Апелациониот суд, оспорувајќи ги наодите од првата инстанца и барајќи правда до крај.
Борбата на УЧК беше борба за слобода. Историјата на Косово не може да се препишува и жртвата на еден цел народ не може да се стави на обвинителна клупа.
Со вера во правдата, битката продолжува во апелација!“, напиша тој.