Неотповиклива оставка доставена до премиерот Мицкоски
Министерот за здравство Арбен Таравари официјално ја поднесе својата неотповиклива оставка до премиерот Христијан Мицкоски. Во писмото до Владата, Таравари истакна дека функцијата ја извршувал со целосна посветеност, транспарентност и чувство за одговорност.
„Одлуката ја носам по внимателна, лична и професионална проценка, уверувајќи дека овој чекор е во најдобар интерес и за институцијата и за моите лични принципи“, стои во оставката. Тој се заблагодари за довербата и истакна дека останува отворен за соработка во иднина, секогаш водејќи се од јавниот интерес.
Преструктурирање во редовите на ВЛЕН
Оставката на Таравари се случува во момент на засилена политичка активност и престројување во албанскиот политички блок. Пратеничката група на ВЛЕН, без пратениците од Алијансата за Албанците од крилото на Таравари, поднесе барање до претседателот на Собранието, Африм Гаши, за промена на координаторот на групата.
Наместо досегашниот координатор Халил Снопче, за нов координатор е избран Беким Ќоку, пратеник од движењето Самоопределување од Косово. Дополнително, Мерита Колчи Коџаџику и Аднан Азизи се избрани за заменици координатори.
Неизвесна судбина на пратениците од крилото на Таравари
Сè уште не е јасно колку од пратениците блиски до Таравари ќе останат во владината коалиција или ќе се приклучат кон опозицијата. Во политичките кулоари се лицитира со можните премини меѓу коалицијата Вреди и Европскиот фронт, предводен од ДУИ.
Како што беше претходно најавено, денес требаше да биде формализирана оставката и во Собранието, но од кабинетот на спикерот Гаши информираа дека официјален документ сè уште не пристигнал.
Извор: Курир