Американскиот претседател Џо Бајден денеска ќе го заврши своето европско патување со голем говор во полскиот главен град Варшава, каде ќе се сретне и со претседателот Анджеј Дуда. Бајден во своето обраќање ќе посочи дека „слободниот свет“ се противи на руската неиспровоцирана инвазија на Украина и дека постои единство меѓу големите економии за потребата да се запре Владимир Путин, соопшти Белата куќа.
Бајден одржа тридневни вонредни состаноци со сојузниците од Г7, Европскиот совет и НАТО, а ги посети и американските војници во Полска.
Советникот за национална безбедност Џејк Саливан рече дека говорот на Бајден ќе ги опфати „влоговите во овој момент, итноста на предизвикот што претстои, што значи конфликтот во Украина за светот и зошто е толку важно слободниот свет да го одржи единството и да се реши наспроти руската агресија“.
Претходно во текот на денот тој се очекува да се сретне со украинските бегалци и со американските хуманитарни работници кои помагаат да се одговори на потребите на бегалците кои побегнаа од конфликтот во Полска.
Бајден го помина 25 март во посета на американските војници во близина на полската граница со Украина поради сигналите од Москва дека Кремљ ги намалил своите цели во нападот врз својот сосед за да се концентрира на освојување на територијата за која превземаат сепаратистите поддржани од Русија.