Бодигардот на Заев тврди дека не учествувал во тепањето – видеата го покажуваат спротивното

Тој вели дека нема никаква врска со настанот, но, сепак ја користи приликата да ги нападне оние кои беа тепани.

-Во врска со насловите и шпекулациите пласирани од некои портали, дека сум вмешан во тепање на лице, одговорно тврдам дека не сум бил дел од таквите случувања. Попатно, распрашувајќи се за настанот, добив информации дека ‘нападнатите лица‘ на видео снимката не биле само двајца туку биле дваесетина души од село Баница. Истите претходно извршиле напад на вработени во казино со дрвја, камења и со ладно оружје, напиша тој на социјалната мрежа.

Сепак, видеата и тврдењата на граѓаните го говорат спротивното.

На фејсбук излезе видео каде што се тврди дека тој е таму.

Во истовреме активистот за правата на Ромите Геге Демировски на социјалната мрежа Фејсбук тврди дека Ромите го информирале дека тој бил тепачот.