– „Треба да ги пополниме празнините“ во врска со безбедноста на пратениците, рече Пател за телевизијата Скај њуз.
Запрашан за воведување полициска заштита за пратениците во нивните области, министерот рече дека сите опции сега се разгледуваат и дека „низа мерки“ веќе се воведени по убиството на пратеникот Дејвид Ејмс во петокот.
Конзервативниот пратеник Дејвид Ејмс (69) почина откако 25-годишен напаѓач го прободе со нож неколку пати за време на состанокот со гласачите во црквата во Есекс во источна Англија, на околу 60 километри источно од Лондон.
Според првите информации, истрагата за инцидентот доверена на антитерористичката администрација открила потенцијално екстремистичка исламистичка мотивација на напаѓачите.
Уапсениот е британски државјанин со сомалиско потекло, Али Харби Али, објави Би – Би – Си.
Ејмс првпат беше избран за парламент во 1983 година за да го претставува Басилдон. Тој беше еден од омилените пратеници во парламентот.
Атентатот врз пратениците ја потресе земјата и потсети на смртта на лабуристичкиот пратеник Џо Кокс, кој беше убиен во јуни 2016 година од десничарски екстремист.
Многу се смени по убиството на пратеникот eо Кокс, рече министерот Пател, додавајќи дека тоа е многу интензивен период за пратениците во однос на безбедносните мерки и дека во меѓувреме е вложен многу труд за овие прашања.
– Променивме се за тоа како работиме поради развојот на заканите во општеството, рече Пател, посочувајќи како пример дека пратениците повеќе ги замолиле своите гласачи да закажат состаноци со нив однапред.