Авионот што го превезуваше британскиот министер за одбрана беше цел на напад.
Сигналите на авионот на „RAF“ во кој се наоѓаше министерот за одбрана Џон Хили беа попречени додека леташе во близина на руската граница. Хили се враќаше во Велика Британија откако ги посети британските трупи во Естонија во времето на нападот.
Паметните телефони и лаптопите не можеа да се поврзат на интернет за време на инцидентот, а пилотите не можеа да го користат GPS-от на авионот „Dassault Falcon 900LX“ и мораа да користат друг систем за навигација.
„Ова е неодговорно руско попречување, но „RAF“ е добро подготвен да се справи со ваков вид активност“, изјави извор од Министерството за одбрана за „The Times“.
Не е познато дали Хили бил намерно цел, но рутата на неговиот авион била видлива на веб-страниците за следење на летот. На патниците во авионот, вклучувајќи фотографи и новинар, им било кажано дека авионот може безбедно да лета и покрај попречувањето.
Прекинувањето на GPS, систем што се користи секојдневно за навигација, сега стана нормален дел од современото војување, а ваквите инциденти често се поврзуваат со Русија, пренесува медиумот.
Во септември минатата година, сигналот на авионот во кој се наоѓаше претседателката на Европската комисија, Урсула фон дер Лајен, беше попречен.
„Добивме информации од бугарските власти дека се сомневаат дека ова попречување го извршила Русија“, соопшти Комисијата во тоа време.