Бруклин Бекам ја претстави својата голема тетоважа на грбот посветена на сопругата Никола Пелц, на која се испишани зборовите од љубовното писмо што го добил пред нивната венчавка. Фотографијата се појави за време на нивниот престој во Париз, каде истовремено се наоѓа и неговото семејство со кое е во затегнати односи.
Најстариот син на Дејвид и Викторија Бекам престојува во француската метропола по повод Модната недела. Иако неговите родители и браќата и сестрата исто така беа присутни во Париз за да ја поддржат Викторија на нејзината модна ревија, Бруклин и Никола останаа одвоени од остатокот од семејството.
Дваесет и седумгодишниот Бруклин позираше со соблечена маица за време на пробата за модната куќа „Баленсијага“, по што неговата сопруга Никола (31) ја сподели фотографијата на социјалните мрежи. На грбот јасно се гледа пораката која тој ја овековечил на сопствената кожа како доказ за нивната љубов.
„Љубов моја, прочитај го ова секогаш кога чувствуваш вознемиреност. Сакам да знаеш колку длабоко си сакан. Имаш најпрекрасно срце од сите што некогаш сум ги запознала и се надевам дека никогаш нема да морам да поминам ниту еден ден без твојата љубов. Мислам дека си неверојатен“, напишала Никола Пелц.
Во продолжението на писмото, таа испратила уште една порака за меѓусебната поддршка пред нивниот брак:
„Само знај дека можеме да надминеме сè заедно ако дишеш бавно и имаш верба. Те сакам повеќе отколку што зборовите можат да опишат. Засекогаш со љубов, твојата идна сопруга“, стои во писмото на Пелц.
Двојката присуствуваше на низа настани и ревии во Париз, вклучително и онаа на „Баленсијага“ одржана во Тенискиот клуб на Париз, но Бруклин целосно ја пропушти ревијата на мајка си Викторија во парискиот консиержери.
Додека Дејвид, Харпер, Ромео и Круз со своите партнерки седеа во првиот ред на ревијата на Викторија, Бруклин и сопругата поминуваа време во близина на музејот Лувр, потврдувајќи дека сè уште нема подобрување во односите со неговите најблиски.