Илинден – симбол на единството и државноста
Претседателот на Собранието, Африм Гаши, по повод Илинден упати честитка во која ја истакнува важноста на овој ден како симбол на историската борба за слободна и демократска Македонија. Тој нагласува дека денот е поттик за заедничко унапредување на државата, преку почит и соработка меѓу сите граѓани, без разлика на етничката и верската припадност.
-Овој ден е симбол на историската борба за слободно, еднакво и демократско општество, вредности што денес претставуваат темел на нашето заедништво и на институциите на државата. Оваа дата не е само дел од историјата на државата, туку и обврска да ја зачуваме и понатаму да ја унапредуваме визијата за современа држава насочена кон мир, напредок и евроатлантска интеграција. Нека овој ден биде поттик за размислување за заедничкиот пат што го изградивме како држава и како општество, како и за понатамошно охрабрување на меѓусебното разбирање, соработка и посветеност кон доброто на татковината, без разлика на етничките, верските или политичките разлики, стои во честитката од претседателот на Собранието Африм Гаши.