Чулев: Ако Рашковски мисли дека лажам, слободно нека ме тужи

Преку својот Фејсбук профил се обрати и поранешниот Министер за внатрешни работи, Наќе Чулев, одговарајќи на понудата на Рашковски за меѓусебен дуел.

Чулев пишува дека неговата изјава е дадена бидејќи за него претставува одговорност е да ги информира граѓаните за фактичката состојба во врска со проектот “Безбеден град”, а поврзано со набавка на софтвер за регистрирање на сообраќајни прекршоци.

– Мојата лична култура и политичката етика не ми дозволуваат за вакви прашања да дискутирам на дебати и не сметам дека тие се место за решавање на прашања за кои веќе јавното обвинителство има започнато предистражна постапка. Оставам институциите на системот да ја завршат во целост нивната работа, а јас стојам на нивно располагање во секое време, потенцираше Чулев.