Од граѓани на 50 земји при аплицирање за американска туристичка или деловна виза ќе може да се бара финансиска гаранција до 20.000 долари. Новото правило се однесува на визите Б1 и Б2, а стапува во сила на 3 август.
Конзуларните службеници ќе одлучуваат дали кандидатот треба да уплати депозит како услов за добивање виза. Според американските власти, мерката треба да го намали бројот на странци кои остануваат во земјата и по истекот на дозволениот престој.
Програмата претходно била тестирана во 2025 година, кога гаранциите изнесувале 5.000, 10.000 или 15.000 долари. Со новото правило се укинува досегашниот минимален износ од 5.000 долари, додека највисоката можна гаранција се зголемува на 20.000 долари.
Од вкупно 50 земји опфатени со програмата, 30 се во Африка. Американските власти оцениле дека пробната примена покажала оти финансиската гаранција е ефикасен начин за поттикнување на почитувањето на визните правила.