Aктивирано e портокалово ниво на опасност од високи температури, а вредноста на УВ индексот изнесува 9. Наместа долж Повардарието температурата ќе го надмине и 42-тиот степен, соопшти Управата за хидрометеоролошки работи.
Времето утре ќе биде сончево и многу топло. Утринските температури ќе се движат од 14 до 24 степени, а дневните од 33 до 42 степени.
Во Скопје и околината времето ќе биде сончево и многу топло со утринска температура до 20 степени, а дневна до 42 степени.