Маја Васева, мајка на дете со Даунов синдром се жали за потешкотиите со кои се соочуваат и вели дека државата нема разбирање за нив. Таа објаснува како е да се биде родител на дете со Даунов синдром во вечерашното гостување на Трилинг.
Таа вели дека голем дел од фамилиите кои се соочуваат со деца со Даунов синдром се одбиени од додатокот кој им следува.
Тие 100 евра кои ги добивавме ни менуваа многу во семејната економија. Затоа што знаев дека дел од семејствата се веќе одбиени решивме да реагираме и да ја запознаеме јавноста. Давид вчера беше на проценка. Се надеваме дека нема да бидеме одбиени, иако сѐ уште немаме информација, вели Васева за Трилинг.
Мајката ја објаснува голготата која ја поминуваат овие родители.
Првичниот шок беше голем. Да, има потешкотии на дете со попреченост како што има потешкотии и секоја личност со психолошки или здравствени проблеми, вели мајката Васева.
Таа додава дека треба време за да се прилагоди човек на ваков случај.
Сите деца комуницираат на свој начин. Давид искажува љубов кога доаѓа и нѐ гушка, мене, а особено и татко му. Покажува со прстето, запознавајќи ги и другите деца во рамките на семејството комуникацијата не е проблем. Детето успева да комуницира со околината, само за тоа треба време, додава мајката.
Васева вели дека во нашето оптшество е тешко да се функционира, а државата нема разбирање за ситуациите на ваквите фамилии. Таа се жали од службите и лицата одговорни за оваа тематика дека немаат разбирање за нив.
Новинарката Васева се жали за потешкотиите, а како решение ги гледа проектите на кој децата ќе бидат заедно. Таа алудира на сите деца заедно преку инклузивното образование.
Инклузивното образование е многу битно бидејќи така децата учат дека не се сите исти, дека има различни деца, но дека сите се подеднакво вредни, вели Васева.
Целото интервју може да го погледнете во продолжение, во втората половина од видеото.