Двајца владици од ПОА ќе добијат епархии, за третиот ќе видиме: Владиката Петар тврди дека интеграцијата на двете цркви ќе се изврши до мај

Архиепископот Јован од Православната охридска архиепископија (ПОА) нема да се пензионира, а другите двајца епископи од таа црква – брегалничкиот епископ Марко и кумановскиот владика Јоаким, ќе добијат свои помошни епархии во МПЦ-ОА во склоп на постоечките.

Ова, на прашање на  новинарот, го одговори митрополитот преспанско-пелагониски г. Петар од МПЦ-ОА за време на неговото гостување во емисијата „Стадион“ на Канал 77.

За иднината на епископот стобиски г. Давид, тој рече дека сѐ уште не е позната, но дека најверојатно ќе продолжи да биде викарен епископ во МПЦ-ОА или во Српската православна црква (СПЦ).

– Прашањето за интеграција на ПОА во МПЦ-ОА ќе биде решено најдоцна до мајскиот Собор на СПЦ и тогаш ќе се знае кој и што ќе добие. Јас сега можам да кажам дека Јован нема да се пензионира и тој ќе продолжи да функционира како дел од МПЦ-ОА – изјави владиката Петар.