Турскиот претседател Реџеп Таип Ердоган е во дводневна посета на Србија, а таму има средба со српскиот претседател Александар Вучиќ. Српскиот претседател на заедничката прес-конференција со турскиот претседател изјави дека воспоставиле договор за многу поблиски односи меѓу двете земји во рамките на воената индустрија.
Избравме експерти од двете земји кои работеа темелно, суштински и стратешки на ова прашање – рече Вучиќ.
Како што наведе, разговарал со турскиот претседател и утврдил дека Србија се залага за територијалниот интегритет на Босна и Херцеговина, како и за ентитетот Република Српска.
Ердоган води суверена и слободарска политика во Турција, како што го правиме истото во Србија, што ја прави уште еден мост меѓу двете земји – посочи Вучиќ.
Претседателот на Турција, Реџеп Таип Ердоган, по средбата со претседателот на Србија, Алексадар Вучиќ во Белград, изјави дека меѓу другото размениле мислења и очекувања во однос на регионалната соработка.
„Уште еднаш ја истакнавме важноста на мирот и стабилноста на Балканот, а во рамките на тоа е многу важно да се има здрав разум кога станува збор за тензиите меѓу Косово и Србија. Уште еднаш ја потврдивме нашата решеност да ја заштитиме стабилноста во БиХ. е политички многу ранлив и тоа е факт што треба да се земе предвид и да се промени што е можно поскоро, мислам дека Србија ќе одигра конструктивна улога и тоа неколку пати го подвлеко“, рече Ердоган во заедничкото обраќање до медиумите.
Говорејќи за односот со Србија, Ердоган рече дека слободно може да каже дека тоа е „златно доба“.