Министрите за надворешни работи на Европската Унија не постигнале договор дали и како да воведат санкции за профитабилниот енергетски сектор во Русија.
Германија истакна дека европскиот блок е премногу зависен од руската нафта за да донесе одлука за ембаргото.
Прашањето за ембаргото за нафта не е прашање дали го сакаме или не, туку прашање на тоа колку зависиме од нафтата – изјавила германската министерка за надворешни работи Аналена Бербок за новинарите, пренесува Ројтерс.
Други потенцијални санкции за кои се разговарало вклучуваат затворање на „дупките“ во фондовите што ги користат олигарсите, додавање нови имиња на списокот на санкционирани, забрана за руски бродови да впловуваат во пристаништата на ЕУ и зголемување на бројот на банки на кои ќе им биде прекинат пристапот до глобалниот систем СВИФТ, пренесува РТС.