Неексплодирана артилериска граната со калибар од 75 милиметри била пронајдена во близина на битолското село Меџитлија. Станува збор за граната што потекнува од периодот на Првата светска војна.
Гранатата била пронајдена при градежни работи
Опасната експлозивна направа била откриена при градежни активности што ги изведувало Јавното претпријатие „Стрежево“ – Битола.
Гранатата била пронајдена во атарот на селото Меџитлија, на територијата на Општина Битола, во близина на македонско-грчката граница.
Пиротехничар на ДЗС безбедно ја отстранил
По добиената пријава, на терен интервенирал пиротехничарот на Дирекцијата за заштита и спасување, Ѓорѓи Стефанов.
Тој безбедно ја отстранил неексплодираната артилериска граната, по што била транспортирана до Армискиот полигон „Криволак“.
Ќе биде уништена на полигонот „Криволак“
Од Дирекцијата за заштита и спасување информирале дека гранатата ќе биде уништена на Армискиот полигон „Криволак“.
Пријавата за пронајдената експлозивна направа до надлежните служби била доставена преку единствениот број за итни случаи 112.