Вчера во периодот од 15:00 до 16:30 часот, врз основа на судска наредба, извршен бил претрес во дом и други помошни простории во село Голема Речица кај А.А.(57) поради сомнение за сторено кривично дело по член 215 од Кривичниот законик.
Од МВР информираат дека при претресот, во една од собите во подрумската просторија под кревет пронајден бил еден пиштол марка „екол дуал“ со една празна рамка, додека во помошна просторија во склоп на куќата во навлаката од перница пронајдени биле 22 мали најлонски кесички со кокаин и една поголема најлонска кеса со кокаин.
За време на претресот лицето упатило закани кон полициските службеници и бил лишен од слобода и задржан во Полициската станица Тетово за понатамошна постапка.
По документирање на случајот против него ќе следува соодветен поднесок, посочија од МВР.