Според овие резултати, 63 отсто од испитаниците ја поддржале задолжителната имунизација за германските жители против вирусот што предизвикува Ковид-19.

Триесет отсто се против, а седум отсто од испитаниците не дале одговор.

Истражувањето го спроведе „Југов“ за агенцијата ДПА од среда до петок, а учествувале 2.067 лица.

Пред околу една година, по воведувањето на првите вакцини во Германија на крајот на 2020 година, околу 56 отсто од граѓаните ја поддржаа задолжителната вакцинација, а 33 отсто беа против.

Идниот канцелар Олаф Шолц изјави дека има намера да поднесе предлог-закон за задолжителна имунизација до Бунедстагот во февруари или март.