Селекторот на фудбалската репрезентација на Франција, Зинедин Зидан, упати низа комплименти кон португалскиот фудбалер Кристијано Роналдо. На прес-конференцијата одржана по натпреварот со селекцијата на Италија, францускиот стратег одговори на новинарско прашање поврзано со актуелната состојба и статусот што Роналдо го има во португалскиот национален состав.
„Навистина мора да му се оддаде признание за неговата голема кариера. Имав среќа што беше со мене. Ми помогна да освојам многу трофеи. Капа долу за Кристијано“, порача Зидан.
Зидан и Роналдо имаа исклучително успешна соработка во редовите на шпанскиот гигант Реал Мадрид пред една деценија. Во текот на тој заеднички период, мадридскиот клуб оствари целосна доминација на домашната сцена во Шпанија и на европско тло, освојувајќи три последователни титули во Лигата на шампионите.