-Како што веќе е познато, постапката е стопирана и поради тоа не се пристигнати понуди. БРТ е проект кој според анализите изготвени минатата година за потребите на Град Скопје укажува на бројни недостатоци и ризици врз животната средина, што Градот во никој случај не смее да ги дозволи, велат од Град Скопје.
Според градските власти, самата траса на БРТ на булеварот „Партизански одреди“ минува над главната водоводна цевка за снабдување со вода на Скопје, што само по себе претставува ризик кој може да донесе големи проблеми за самиот град.
Покрај тоа, како што велат, доколку се реализира БРТ, градот ќе остане и без голем број дрвја и зеленило, што ќе влијае на животната средина.
На ваквата одлука на Градот денеска реагираа и од СДСМ, од каде оценија дека потегot на новата градоначалничка е против интересите на скопјани и на директна штета на градот, но и на државата.