Редици возила ги наполнија бензинските пумпи вчеравечер
Зголемените тензии на Блискиот Исток не се одразуваат само преку безбедносните предизвици и евакуациите на граѓани, туку носат и сериозни економски последици. Се засилуваат стравувањата од нова глобална економска криза, предизвикана од растот на цените на енергенсите.
Нафтата веќе ја надмина границата од 100 долари за барел, додека дел од земјите го намалија или целосно го запреа извозот на овој енергенс.
Раст на цената на нафтата
Наглото поскапување на нафтата на светските пазари предизвика загриженост кај граѓаните и институциите. Овој тренд веќе се чувствува и во домашната економија, особено преку растот на цените на горивата.
Одлуката на РКЕ предизвика редици
Одлуката на Регулаторната комисија за енергетика (РКЕ) за ново зголемување на цените на нафтените деривати доведе до големи редици на бензинските пумпи. Голем број возачи вчера се упатија да наполнат гориво пред да стапат во сила новите цени.
(ВИДЕО) РЕДИЦА ВОЗИЛА НА БЕНЗИНСКИТЕ ПУМПИ: Граѓаните побрзаа да наполнат гориво по одлуката на РКЕ
Дизелот со најголемо поскапување
Од полноќ малопродажните цени на нафтените деривати се зголемуваат во просек за 14,27 проценти во однос на одлуката од 2 март 2026 година.
ЕУРОСУПЕР БС-95 ќе се продава по цена од 79,50 денари за литар, додека ЕУРОСУПЕР БС-98 ќе чини 81,50 денари за литар.
Најголемото поскапување е регистрирано кај дизел горивото. ЕУРОДИЗЕЛ БС ќе се продава по цена од 85,50 денари за литар, што претставува зголемување од 14,50 денари.