-Првата цел е да се олесни проектот за вакцинација. Да се донесат што е можно повеќе луѓе во центрите за вакцинација#, рече грчкиот министер без ресор Јоргос Герапетритис, пренесуваат тамошните медиуми.
Луѓето кои не се целосно вакцинирани, сепак можат да влезат во ресторани, театри и кина, но ќе мора да покажат негативен брз тест, соопштија властите.
Од 15 јули, како што беше најавено, за прв пат ќе се дозволи присуство на вакцинирана публика на спортски настани, но луѓето ќе мора да носат маски.
Носењето маски сепак ќе биде потребно во кината.
Досега повеќе од 30,2 проценти од грчката популација се целосно вакцинирани, а 43,1 процент примиле барем една доза на вакцина.
Грчката влада претходно објави дека ќе им понуди на младите парична картичка во износ од 150 евра доколку бидат вакцинирани.
Грција неодамна ги намали ограничувањата за намалување на бројот на лица заразени со Ковид-19, но загриженоста од можноста за зараза со „делта“ сојот се зголеми во последните неколку дена.