Во познатиот театар „Лондон Паладиум“, во англиската престолнина, се одржа доделувањето на Златната топка.
Прв пат во 70-годишната историја, свечената церемонија се одржа во Лондон. На овој начин, организаторите сакаа да му оддадат почит на Стенли Метјуз, легендарниот англиски фудбалер кој во 1956 година стана првиот добитник на Златната топка.
Златната топка ја доделува „Франс фудбал“ од 1956 година, а од 2024 година, во организацијата учествува и УЕФА.
Златната топка за 2026 година ја освои напаѓачот на Баерн Минхен и капитен на аглиската фудбалска репрезентација, Хари Кејн.
Кејн зад себе има неверојатна година, постигна 61 гол. Со Баерн ги освои првенството и Купот на Германија, стигна до полуфиналето во Лигата на шампионите. Со националниот тим го освои бронзениот медал на Светското првенство.
„Речиси останав без зборови. Пред сè, му благодарам на „Франс Фудбал“ и на „Златната топка“ за овој неверојатен настан. Тоа што се одржува во Лондон го прави посебен, а ми се чинеше како добар знак. Им благодарам на сите што гласаа за мене, можам да замислам колку тешка била одлуката“, изјави Кејн.
Тој им се заблагодари на Англија, Баерн и на својот поранешен клуб Тотенхем, а посебна порака упати до младите.
„Сè е дел од едно големо патување. За секое момче или девојче кои сакаат да го остварат својот сон, сè е возможно. Мојот пат не беше едноставен, не стигнав директно до врвот, туку морав да поминам низ многу предизвици и да се борам за да стигнам таму каде што сум денес. Се надевам дека мојата приказна може да биде инспирација. Ви благодарам многу“, порача тој.
Најдобра фудбалерка е Алексија Путелас од Барселона.
„Им благодарам на моите колешки. Толку многу фудбалерки на Барселона беа номинирани во овој избор. Моите колешки и јас имавме одлична сезона. Задоволство и чест е да играм со вас. Поминавме низ неколку тешки ситуации, повреди, но ги надминавме како тим. Му благодарам на тренерот и целиот тренерски штаб. Им благодарам на навивачите“, рече извонредната Алексија Путељас.
Како капитен на Барселона, таа освои четири трофеи во последната сезона.
Таа стана втор најдобар стрелец на Барселона на сите времиња, постигнувајќи два гола во полуфиналето на Лигата на шампионите. Ова е нејзина трета Златна топка.
Во продолжение, прочитајте кој ги освои наградите за најдобра млад играч, најдобар тренер, најдобар голман, најдобар клуб.
Ламин Јамал и неговата колешка Вики Лопез ги добија наградите за најдобар млад фудбалер и фудбалерка. Најдобра тренер во машка конкуренција е шпанскиот селектор, Лус де ла Фуенте, а во женска конкуренција наградата му припадна на тренерот на Барселона, Пепе Ромеу.
Унаи Симон е најдобар голман, а најдобра голманка е Ката Кол.
Фудбалерот на Арсенал, Букајо Сака ја доби наградата „Сократес“ за придонес во заедницата.
Најдобар машки тим е европскиот шампион ПСЖ.
„Во име на клубот, сакам да им се заблагодарам на сите, на тренерот, претседателот и персоналот на клубот. Да не ги заборавиме нашите навивачи, кои секогаш нè поддржуваат. Создадовме одличен тим кој се бори заедно. Луѓето уживаат во нашите игри. Ви благодарам на сите“, рече Усман Дембеле, минатогодишниот освојувач на Златната топка, по добивањето на наградата.
Најдобар женски клуб е Барселона.
„Почестен сум што нè препознавте. Сакам да им се заблагодарам на сите што ја признаваат историјата на Барселона. Нашите играчи се одлични, како и тренерот. Ви благодарам на сите нив, благодарам на директорот на женскиот тим, кој одлично ја заврши работата“, рече Џоан Лапорта, претседателот на Барселона.
Шарлин Корал, 35-годишна мексиканска интернационалка која игра за Пачука, постигна 22 гола минатата сезона.