Илон Маск се повлекува од администрацијата на Трамп: Го критикуваше буџетот на Трамп
Илон Маск, најбогатиот човек на светот, официјално се повлече од администрацијата на Доналд Трамп, каде што ја водеше новоформираната Канцеларија за владина ефикасност – DOGE. Во објава на неговата платформа X, Маск му се заблагодари на поранешниот претседател за шансата, но истовремено го критикуваше новиот буџетски предлог на Трамп, нарекувајќи го „расипнички“ и спротивен на целите на DOGE.
Маск ја напушта позицијата на специјален владин службеник, која му овозможуваше да работи до 130 дена годишно за федералната влада. Тој најави повлекување уште во април, а Белата куќа потврди дека процесот е формално започнат.
Критики кон буџетот и предупредувања за дефицитот
„Како што истекува мојот мандат, сакам да му се заблагодарам на претседателот Трамп за можноста да го намалам расипничкото трошење“, напиша Маск на X, додавајќи дека мисијата на DOGE „ќе се зајакнува со текот на времето“.
Но, неговото заминување доаѓа само ден по отворената критика на т.н. „голем, убав закон“ на Трамп, кој предвидува трилионски намалувања на даноци и зголемување на воените трошоци. Маск предупреди дека овој буџет ќе го зголеми дефицитот и ќе ја поткопа работата на DOGE.
„Законот може да биде одличен или убав, но не верувам дека може да биде и двете“, изјави Маск за CBS.
Масовни отпуштања и контроверзии во DOGE
Во времето на Маск, DOGE спроведе агресивна политика на кратење на трошоците, што резултираше со отпуштање на околу 260.000 федерални работници од вкупно 2,3 милиони во цивилниот сектор. Во неколку случаи, судовите го блокираа процесот и наредија враќање на вработени – меѓу нив и научници од нуклеарната програма на САД.
„Скалпел наместо секира“: Трамп, Маск и министрите на состанок за отпуштања во администрацијата
И покрај ветените кратења од 2 трилиони долари, крајната бројка се сведе на 150 милијарди. Маск изјави дека DOGE станал „жртвено јагне“ во администрацијата и дека е време да се врати на неговите компании.
„Сега сите го обвинуваат DOGE за сè“, рече Маск за Вашингтон пост, пред лансирањето на SpaceX во Тексас.
Политиката му штети на Tesla
Во периодот на политичка ангажираност, Tesla доживеа најголем пад во продажбата во историјата – 13% за еден квартал. Акциите паднаа за 45%, а иако делумно се опоравија, останаа 10% под претходната вредност. Маск вети дека ќе посвети значително помалку време на политика, и ќе се врати целосно на водство на Tesla.
Во исто време, тој најави и намалување на политичките донации, откако само минатата година потроши речиси 300 милиони долари за кампањи на Трамп и други републиканци.
Tesla беше и мета на протести и вандализам, по што државната обвинителка Пам Бонди предупреди дека инцидентите ќе се третираат како „домашен тероризам“.
Маск најави враќање на Тесла и најави крај на политичкото мешање.
Пет години фокус на приватниот сектор
На економски форум во Доха, Маск најави дека ќе остане извршен директор на Tesla најмалку уште пет години. Тој испрати јасен сигнал дека ерата на неговиот политички ангажман е завршена – барем засега.
Извор: Тв21