Во Белград – шести протест против насилството.
Граѓаните бараат одговорност од власта за начинот на кој реагираше на трагедиите, а главниот збор на сцената го имаа актери и професори.
Протестите се одржуваат по двете масовни убиства што ја потресоа Србија на почетокот на минатиот месец, а насобраните бараат одговорност од владата за начинот на кој реагирала на трагедиите.
Клучното барање е да се запре промовирањето на насилството на јавниот простор.
Дополнително, бараат разрешување на првите луѓе на МВР, безбедносната информативна агенција и членовите на Советот на Регулаторното тело за електронски медиуми.