Драган Ковачки од ВМРО-ДПМНЕ, преку статус на Фејсбук го прашува министерот за внатрешни работи Оливер Спасовски ако возилото не е на Груби, кој дозволи да стави флешери и друга звучна сигнализација, министре Спасовски вие ли одобривте?
„До министерот за внатрешни Спасовски:
Ако запаленото возило на Артан Груби не било во негова сопственост туку се водело на име на фирма ДПТУ ЕУРОКОМ ДОО или на комшијата, а Артан само го користел (читај скриен имот на туѓо име), тогаш кој е тој што дозволил на возило кое не е во сопственост на МВР или на друг државен орган, да се стават флешери и звучна сигнализација?
Какви злоупотреби и колку пати се направени со истото тоа возило?
Министре Спасовски, Вие ли одобривте да се стават флешери на приватно возило на фирма, кое според медиумите но и според Крешник Бектеши и Бујар Османи е во сопственост на вице-премиерот? Зошто не ја кажете вистината?
По кој Закон, Уредба или Правилник е тоа направено?
Уште колку такви возила со предимство на минување на име на приватни фирми или на комшии имаме во државата?
До кога граѓаните треба да ги трпат неизживеаните и аздисаните “функционери”?
Затоа ли Ве плаќаат граѓаните г-не Спасовски, да молчите? Или кандидатурата за претседател и поддршката од ДУИ Ви е поважна од едни “обични флешери”?
Г-не Спасовски, во цивилизирана држава за ова се поднесува оставка, затоа што Вие не сте од вчера, туку 8 години сте министер и ова мора да е со Ваше одобрение.
Вака не во ЕУ, туку во Африканска Унија нема да не примат.
Распад систем“, стои во неговиот пост на Фејсбук.