Министерството за внатрешни работи (МВР) распиша меѓународна потерница по Васко Ковачевски, поранешниот директор на ЕСМ, кој е еден од осомничените во истрагата за случајот „Адитив“.
Потерницата беше издадена откако Основното јавно обвинителство за гонење на организиран криминал и корупција утврди дека Ковачевски не е достапен на органите на прогонот.
Обвинителството: Предлог за мерки за претпазливост е отфрлен
Обвинителството денеска го прими решението на судијата за претходна постапка од Основниот кривичен суд – Скопје, со кое предлогот за определување мерки за претпазливост против осомничен во предметот „Адитив“ се отфрла.
-
„Осомничениот не е достапен на органите на прогонот, што доведе до издавање на меѓународна потерница,“ соопшти Обвинителството.
Што опфаќа случајот „Адитив“?
Истрагата за случајот започна на 10 овој месец и опфаќа:
- 23 физички лица
- Четири правни лица
Осомничените се товарат за кривични дела против јавните финансии, платниот промет, стопанството, службената должност и правниот сообраќај.
Ковачевски не е достапен за органите
Како еден од клучните осомничени во случајот, Васко Ковачевски не беше пронајден за да биде сослушан од страна на органите на истрагата.
-
„Меѓународната потерница има за цел негово пронаоѓање и спроведување пред правосудните органи,“ наведуваат од МВР.
Меѓународна потерница за Васко Ковачевски
Со овој растечки тренд, бројот на меѓународни потерници по поранешни функционери, ќе го надмине бројот на меѓународни потерници по дилери, убијци и било кои друг тип на криминалци.
Потерниците по Артан Груби и Перпарим Бајрами беа најактуелни во последно време. По лицата се МВР сè уште трага.
Да се надеваме дека 2025 ќе ни донесе помалку потерници и повеќе полни затворски ќелии за лица кои нанеле огромни штети на државата.