Шефицата на германската влада на прес-конференција во Берлин со претседателката на Европската комисија Урсула фон дер Лајен рече:

-Жал ми е што сè уште не постигнавме заеднички став на земјите-членки за правилата за патување

Таа додаде:

-Можеби можевме да ја избегнеме ситуацијата во Португалија. Затоа треба да работиме уште повеќе

Наспроти мерките за олеснување во неколку европски земји, португалската влада за време на викендот мораше да забрани влез и излез во областа Лисабон.

Минатата недела, Португалија имаше највисоко дневно ниво на нови случаи од февруари.

-Постигнавме напредок во последните месеци, но не до нивото што би го сакале во Европската унија, рече Меркел пред Европскиот самит во четврток и петок.

Урсула фон дер Лајен оцени дека е „прашање на време“ кога варијантата делта ќе стане доминантна во Европа.

-Важно е да се продолжи да се вршат вакцинации што е можно побрзо, додаде таа, објаснувајќи дека ова е трка со најзаразната варијанта.

Дваесет и седум земји на ЕУ неодамна се согласија да ги координираат мерките за поедноставување на патувањето во ЕУ во текот на летото со потврда, но предвидуваат можност за повторно воведување мерки во случај на поопасна варијанта.

Од 1 јули, лицата со европски сертификат дека се вакцинирани, имаат негативен тест или имале ковид, може да патуваат во рамките на ЕУ без ограничувања.