Очигледно има какофонија после лидерската и тоа некој намерно го прави. И јас бев дел од прес конференциите на двајцата лидери после лидерската и двајцата констатираа дека нема договор, за потоа да се јават од СДС и ДУИ со неточни и селективни изјави по однос на целата работа, вели Никола Мицевски координатор на пратеничката група на ВМРО-ДПМНЕ во вклучување во дневникот на Канал 5 телевизија.
Мицевски вели дека СДС и ДУИ лажно ја пренесуваат изјавата на лидерот на ВМРО-ДПМНЕ Христијан Мицкоски, прашувајќи доколку Мицкоски прифатил уставни измени тогаш зошто точката не ја стават на дневен ред па да виде јавноста како ќе поминат истите.
Би прашал како координатор на најголемата пратеничка група во Собранието, доколку има договор за уставните измени, зошто уште утре не ги внесат па да видат како ќе поминат тие уставни измени, праша Мицевски.
Мицевски уште еднаш го потврди ставот на ВМРО-ДПМНЕ и пратеничката група дека никој нема да прифати уставни измени под бугарски диктат.
Пратеничката група на ВМРО-ДПМНЕ и ВМРО-ДПМНЕ нема да гласа за уставни измени по бугарски диктат, дециден е тој.