Премиерот Димитар Ковачевски се пофали за 1.300 км нови патишта, а на тоа реакција имаше и од Анотнио Милошоски којшто вели дека Ковачевски лаже повеќе и од неговиот претходник, Заев.
„Изградивме 1.300 км нови патишта во последните пет години. Градиме квалитетна инфраструктура која на долг рок ќе придонесе за нашиот економски развој и ќе овозможи подобар живот за сите. Градиме патишта кон нашата европска иднина. Нема недостижна цел.“
Ова е вчерашната фалба на Димитар Ковачевски на социјалните мрежи. Инаку, овие 1.300 км ги спомена уште во 2020 година Бочварски како изградени. Сепак и покрај тоа клучното прашање е каде се овие 1.300 км патишта, после кои во Македонија не би имало ни еден неасфалтиран метар.
На сето ова реагираше Антонио Милошоски од ВМРО-ДПМНЕ, со свој коментар на ФБ профилот:
„Ковачевски почнува да лаже повеќе и од неговиот претходник, а со манипулацијата за 1.300км нови патишта и за автопатот Охрид-Кичево го потценува здравиот разум на граѓаните во цела Македонија“, напиша Милошоски.