Премиерот Христијан Мицкоски и лидерот на СДСМ, Венко Филипче, утре ќе одржат средба во 14:00 часот во Владата.
Средбата е договорена по претходните јавни изјави и иницијативи од двете страни. Целта е размена на ставови по актуелни политички и општествени теми.
Мицкоски и Филипче ќе седнат на иста маса заради трагедијата во Кочани!?
Очекувањата се дека на состанокот ќе се разговара за прашања поврзани со политичката состојба во земјата, реформските процеси и можностите за соработка меѓу Владата и опозицијата.
Детали за темите на разговор и исходот од средбата се очекуваат по нејзиното одржување.
Лидерската средба е пресериозна тема за да се разговара преку медиуми. Од тоа што можев да разберам во јавноста е дека Филипче има некаков предлог, план. Тој може да го соопшти тој план преку прес-конференција, но, доколку цени дека и мене претходно треба да ме информира и запознае, јас сум секогаш тука. Сериозните теми бараат сериозен пристап“, рече претходно премиерот Христијан Мицкоски.
Извор: Курир