Министерството за надворешни работи на Молдавија објави соопштение на Твитер:
„Молдавија силно ги осудува заканите на рускиот претставник во окупираниот дел на Украина за напад на мостот меѓу Молдавија и Романија. Тоа не е прифатливо“.
Молдавија, поранешна советска република со 2,6 милиони жители која граничи со Украина и Романија, мораше да се справи со голем број бегалци, зголемена инфлација, прекин на електрична енергија и нестабилност во отцепениот регион Придњестровје, кој е под контрола на руските сепаратисти, од почетокот на руската инвазија на Украина.
Минатата година Русија негираше дека сака да интервенира во Молдавија, откако властите во Придњестровје соопштија дека биле цел на серија напади, пишува Гардијан.