Македонската Влада останува посветена на реформите што ги вети, иако свесна дека тие не можат да се спроведат преку ноќ. Ова го нагласи министерот за надворешни работи и надворешна трговија, Тимчо Муцунски во неговото обраќање во Брисел.
Тој говореше на тема „Проширувањето на ЕУ во новата ера: Перспективата на Македонија“. Муцунски истакна дека Македонија заслужува рационално решение за деблокирање на пристапниот процес, со цел напредување врз основа на заслуги.
Тој објасни дека Владата ќе продолжи со ангажман со Брисел и Бугарија за изнаоѓање на решение кое ќе обезбеди непречен напредок. Решение без блокирања на преговорите со прашања за идентитетот, историјата и јазикот.
Муцунски нагласи дека Македонија заслужува модел во кој ќе знаеме јасно каков е нашиот пат и како ќе се движиме напред. Со оглед на значителните промени што државата ги направи во име на европската интеграција, вклучувајќи ја и промената на знамето, валутата и името.
Министерот го потенцираше значењето на планот за раст на ЕУ и реформската агенда. Тие се важни алатки за поттикнување на земјите од регионот да продолжат со напредок на европскиот пат. Тој изрази благодарност до Европската Унија за покажаната солидарност по трагедијата во Кочани.
Муцунски исто така посочи дека земјите членки на ЕУ треба да бидат посветени на одржување на кредибилитетот на процесот на проширување. Додаде дека ветото поради билатерални прашања ги забавува интеграционите процеси. Исто така се нарушува легитимитетот на целиот процес на проширување.
Муцунски изјави дека Македонија ќе продолжи со својата целосна посветеност на европските стандарди. И ќе се фокусира на решавање на проблемите како што се корупцијата и владеењето на правото.
Извор: Миа