Министерството за здравство: Состојбата на критично повредените останува непроменета
Во моментот, 69 пациенти повредени во трагедијата во Кочани се на лекување во странство, а нивната здравствена состојба е непроменета, соопшти Министерството за здравство. И покрај сериозноста на повредите кај некои од нив, не е забележано влошување во последните денови.
Силна порака од Кочани – „Марш за ангелите“ бара правда за младите жртви
Во скопските болници се лекуваат 15 пациенти
Покрај пациентите во странство, во Скопје се хоспитализирани 15 повредени лица, сите во стабилна состојба. Деталниот преглед по здравствени установи е следниот:
Клиника „Св. Наум Охридски“ – 6 пациенти
Клиника за пластична хирургија – 4 пациенти, пристигнати синоќа од странство
Клиника за токсикологија – 2 пациенти (еден префрлен од Хируршка клиника, друг пристигнат од Шпанија)
Клиника за пулмологија – 1 пациент
„Систина“ – 2 пациенти
Министерството со континуирана поддршка
Министерството нагласува дека останува во постојан контакт со медицинските тимови во земјава и странство. Притоа, фокусот останува на обезбедување на највисок квалитет на здравствена грижа за сите повредени во несреќата што ја потресе Кочани и целата земја.
Извор: Курир