Проблемот со здравственото осигурување на вработените во Министерството за внатрешни работи е целосно надминат. По настанатите предизвици, сите вработени во оваа институција повторно имаат обезбедено непречено здравствено осигурување.
Од ресорното министерство информираат дека ваквиот исход следи по координираните чекори на надлежните институции.
„По преземените активности и координацијата со Фондот за здравствено осигурување, успешно е надминат настанатиот проблем, при што на сите вработени во Министерството за внатрешни работи повторно им е обезбедено здравствено осигурување“, потенцираа од МВР.
Од Министерството за внатрешни работи дополнуваат дека остануваат целосно посветени на заштитата на правата и интересите на своите вработени, како и на обезбедувањето услови за непречено остварување на сите права кои произлегуваат од работниот однос.
