Најнови информации од УХМР покажуваат дека нестабилно време со невреме и град зафати повеќе градови низ државата
Најнови информации од УХМР укажуваат на нестабилно време со невреме и врнежи во повеќе региони низ земјата. Според извештајот, силна нестабилна облачна маса се движи кон Езеро Младост и делови од Велес. Невремето е проследено со интензивни поројни врнежи од дожд и град, електрични празнења и силен ветер.
УХМР предупредува дека овие појави може да предизвикаат штети од поголем размер во погодените подрачја.
Метеоролошки нестабилности се забележани и меѓу Штип и Кочани, поточно во регионот на Горни и Долни Балван. Во овој дел има пороен дожд, појава на град, грмежи и силен ветер, со можност за штети.
Од запад се приближува уште една нестабилна маса која се движи кон Скопскиот регион. И оваа облачна маса е проследена со пороен дожд, електрични празнења, засилен ветер и можна појава на град.
Слична метеоролошка состојба има и во Прилепскиот регион, посебно меѓу Прилеп, Росоман и Демир Капија. Врнежи и нестабилности се присутни и кај Неготино, Виница и Делчево, со појава на пороен дожд и електрични празнења.
Во сите овие региони има силен ветер, пороен дожд, чести грмежи и повремена појава на град.
УХМР засега не информира за конкретни штети, но предупредува на внимателност поради неповолните услови.