Нема опасност за жителите од излевањето на Маркова река, а водостојот е вратен во коритото, информираат од Дирекцијата за заштита и спасување. Од таму додаваат дека еден тим за брз одговор интервенирал со пумпи за извлекување на вода. Истите ќе интревенираат по потреба во текот на денот.

„По првичната информација за излевањето на Маркова река во Општина Студеничани, село Батинци, екипата за процена на ризици на Дирекцијата за заштита и спасување одблиску на терен ја следеа состојбата. Директорот Џеват Селами беше во постојана комуникација со екипите на терен, градоначалникот на општина Студеничани, г-дин Азем Садики, директорот на А.Д. Водостопанство, г-дин Филип Филиповски, сѐ со цел да се обезбеди координиран и ефективен одговор. Еден тим за брз одговор интервенираше со пумпи за извлекување на вода. Истите ќе интревенираат по потреба во текот на денот“, се наведуваа во соопштението.

(ВИДЕО) Маркова Река се излеа, поплави дел од Батинци

Реката поплави неколку куќи магацини и индустриски објекти во селата Студеничани и Батинци. Опфати и дел од булеварот Борис Трајковски кај Пинтија каде исто така имало пријави за поплавени магацини, известува ЦУК.

Маркова Река се излеа преку мостот кај Љубош и надојде низводно.

Според информациите од лицето за контакт од ЕЛС Студеничани, интервенираат службите на ЕЛС Студеничани со локалните фирми. Исто така на терен има и претставници од ЕЛС Кисела Вода.

Во текот на ноќта, на Единствениот број за итни повици 112 добиени се и пријави за поплавени куќи во Горно Лисиче (општина Аеродром).

Извор: Плусинфо