Премиерката Џасинда Ардерн денеска изјави дека од 23:59 часот на 2 декември, Нов Зеланд ќе почне со примена на новите методи во борбата против Ковид-19 и ќе се обиде да го потисне делта сојот на коронавирусот место да се обидува целосно да го елиминира.
-Тешката вистина е дека делта сојот е таму и не е подготвен да исчезне. Иако ниту една земја не успеа целосно да го елиминира, Нов Зеланд е во подобра позиција од повеќето други да се справи со него, рече Ардерн.
Новозеламндкста Влада досега се обидуваше целосно да го елиминира вирусот, спроведувајќи ја таканаречената политика за нулта ковид, со строги мерки за затворање на општеството, ригорозно следење на контактите и строга гранична контрола.
Новиот систем, што не предвидува брави, е претставен како семафорски систем. Зелената значи дека нема да има контроли на вирусот, портокаловата значи дека маската се носи на некои места, а црвената дозволува продавниците да бидат отворени само за вакцинирани клиенти со неопходното почитување на физичката дистанца.
Коронавирусот досега во Нов Зеланд, земја со население од пет милиони лица, ја предизвика смртта на 40 лица, но од август се зголеми притисокот за завршување на карантинот воведен во Окленд, кога беше откриен првиот случај на делата сојот.
Ардерн првично најавуваше дека ќе ја промени својата политика кога стапката на вакцинација во земјата ќе достигне 90 проценти, но на крајот се согласи да го забрза повторното отворање на градот Оукленд со сегашната стапка на вакцинација од околу 83 проценти.
Премиерката кажа дека Окленд прво ќе биде во црвената категорија, додавајќи дека властите се уште ги рангираат другите зони.
Окленд сега е изолиран од остатокот на Нов Зеланд, а блокадите на патиштата треба да бидат отстранети на 15 декември.
Строгите прописи за меѓународните пристигнувања остануваат на сила, рече Ардерн, најавувајќи дека ќе ги олесни на почетокот на следната година.