Синот што си го уби таткото во Гостивар сакал да ги прикрие трагите од убиството
Основното јавно обвинителство Гостивар отвори истражна постапка против 33-годишен маж, кој се сомничи за свирепо убиство на својот татко во населбата Дутлок.
Обид за прикривање на убиството
Случајот бил откриен по анонимна пријава, иако осомничениот веќе започнал со подготовки за погреб. Наместо да го пријави делото, тој се обидел да ги прикрие трагите, при што телото на починатиот било измиено и подготвено за погреб.
Расправија што завршила трагично
Според информациите од Обвинителството, настанот произлегол од претходни недоразбирања. По кратка расправија, осомничениот физички го нападнал таткото, удирајќи го со раце и со тврди метални предмети, по што жртвата починала на лице место.
Истрага и предложен притвор
По пријавата од странски телефонски број, полицијата и јавен обвинител извршиле увид, а веднаш била наредена обдукција. Осомничениот се гони за кривично дело убиство според член 123 од Кривичниот законик, а до Основниот суд во Гостивар е доставен предлог за определување притвор поради опасност од бегство, влијание врз сведоци и можност за прикривање на трагите.
За случајот информираше и Министерството за внатрешни работи, од каде соопштија дека е уапсен 34-годишник од Гостивар по пријава од машко лице кое се посомневало во убиство на член од неговото семејство.