ОЧЕКУВАЊЕ ЗА АПСЕЊЕ НА ПУТИН: Меѓународниот кривичен суд бара рускиот лидер да биде лишен од слобода на пат кон Унгарија

ОЧЕКУВАЊЕ ЗА АПСЕЊЕ НА ПУТИН

Меѓународниот кривичен суд (МКС) во Хаг пресуди дека рускиот претседател Владимир Путин мора да биде уапсен доколку отпатува на планираниот самит со американскиот претседател Доналд Трамп во Будимпешта, објавија холандските медиуми.

Според соопштението на судот, сите земји-членки на Римскиот статут на МКС се должни да ги извршуваат налозите, односно очекување за апсење на Путин, што важи и за Унгарија и соседните држави низ кои Путин би требало да патува.

Унгарија објави дека сака да биде домаќин на средбата во наредните една до две недели, но и покрај тоа што најави повлекување од МКС, таа е обврзана да ги почитува одлуките на судот до средината на следната година.

Премиерот Виктор Орбан веќе беше домаќин и на израелскиот премиер Бенјамин Нетанјаху, против кого исто така е издаден налог за апсење од Хаг.

Во своето објаснување, МКС не го споменува Путин по име, но наведува дека земјите-членки се „правно обврзани да соработуваат и да постапат по налозите на судот“, нагласувајќи дека тоа го должат на останатите 124 земји-учеснички.

„Дали некоја земја се согласува со одлуката на судот или не, е прашање кое е во целосна надлежност на судот,“ стои во соопштението.

Путин последниве години ретко патува во странство, особено по пандемијата на коронавирусот и инвазијата врз Украина, а неговите појавувања на меѓународни самити се сведени на минимум.

Тој ги прескокна самитите на БРИКС во Јужна Африка и Бразил, земји кои ја признаваат надлежноста на МКС.

Сепак, ова лето Путин отпатува во Алјаска за средба со Доналд Трамп, при што САД не се членка на МКС и не се обврзани да го спроведат налогот за апсење.