Охридскиот аеродром добива нова авиолинија до австриската престолнина
На Охридскиот аеродром „Апостол Павле“ денеска ќе слета првиот авион на авиокомпанијата „Austrian Airlines“ на редовната линија Виена – Охрид, со што овој меѓународен аеродром ќе добие директна врска со уште една европска престолнина.
Новата авиолинија се очекува да придонесе за подобра поврзаност на земјава, како и за зголемување на бројот на туристи и патници кои ќе патуваат кон охридскиот регион.
Најавена прес-конференција по повод првиот лет
По повод воспоставувањето на новата линија, најавена е прес-конференција на која ќе се обратат генералниот директор на ТАВ Македонија, Неџат Курт, заменик-шефот на Мисијата во Австриската амбасада во Скопје, Матијас Хуменбергер, како и Штефан Линхарт, виш директор за продажба за Централна и Источна Европа, Израел и Турција во групацијата „Луфтханза“.
Со воведувањето на оваа линија, Охрид се вбројува меѓу дестинациите што се директно поврзани со Виена, еден од најзначајните европски авио-центри.