Отстранет e „Чациленд“, Вучиќ најави избори следната година
Доцна синоќа отстранет е „Чациленд“, пред Домот на Народното собрание во центарот на Белград, каде што повеќе од осум месеци престојуваа поддржувачите на властите. Отстранет e „Чациленд“ како дел од иницијативата за расчистување на просторот.
Претседателот на Србија, Александар Вучиќ, најави во обраќање пред приврзаници на властите собрани синоќа пред парламентот, дека отстранет e „Чациленд“ за да се отвори место за божиќно село. Во следните неколку дена, таму ќе биде отворено божиќно село за сите граѓани, по што сообраќајот во тој дел од градот ќе биде нормализиран.
Вучиќ, исто така, најави дека во следниот месец ќе бидат отстранети шаторите од Пионирски парк, што се наоѓа спроти српскиот Парламент, поставени во март оваа година.
Претходно, дел од шаторите беа отстранети од Пионирскиот парк.
Вучиќ, синоќа објави дека следната година ќе се одржат избори, на кои, како што рече, актуелните власти ќе постигнат убедлива победа и со тоа „дефинитивно ќе се потврди довербата на граѓаните“.
„Го прифативме нивното главно барање, ќе одиме на избори следната година. Нема да бидат толку среќни кога ќе ги пребројуваат гласовите. Ќе ги победиме на секое место во Србија“, рече Александар Вучиќ, обраќајќи се пред насобраните пред Народното собрание.
Вучиќ рече дека „обидите за преземање на власта на улица се завршени“, тврдејќи дека граѓаните собрани околу Пионирски парк и платото пред Собранието „ја спасиле државата“. Тој додаде дека негова иницијатива е да се отстрани шаторската населба позната коликвијално како „Чациленд“ од Пионирски парк и од платото пред Народното собрание, бидејќи верува дека, како што изјави, „обидот за преземање на власта со сила е пробан и завршен“. Отстранет e „Чациленд“ од Пионирски парк како дел од нормализирањето на состојбата во овој дел.
„Мојот предлог е да се ослободи овој простор за некое време, бидејќи нивните обиди за преземање на власта се завршени“ .