Потресен говор на мајката на загинатата Фросина
Со солзи во очите и глас исполнет со болка, Камелија Кулакова, мајка на трагично загинатата Фросина, пред судот побара најстрога казна за возачот Васил Јованов, кој е обвинет за тешката несреќа во која животот го загуби нејзината ќерка.
Васил Јованов призна вина по обвинението за сообраќајната несреќа во која загина Фросина
„Јас сум денес гласот на Фросина“
Во емотивен говор кој го потресе судот и јавноста, Камелија рече дека не станува збор за „обична сообраќајка“, туку за свесно и немарно одземање на еден млад живот.
„Јас не сум само мајка која го изгубила своето дете, јас сум човек со откорната душа. Јас денес сум гласот на Фросина, затоа што таа повеќе не може да зборува,“ рече таа со трепет во гласот.
Страшни детали за несреќата
Во сведочењето, Кулакова опиша како нејзината ќерка била прегазена од страна на возач без положен возачки испит, кој управувал возило под дејство на алкохол и го игнорирал црвеното светло, заобиколувајќи други запрени возила.
„Ја удрил мојата Фросинче со толкава сила што ја исфрлил 15 метри. Со главата ја скршила шофершајбната, се качила на кровот… од силината го искршила и семафорот. Ниедно нејзино ткиво не остана поштедено.“
„Барам највисока казна – не за одмазда, туку за правда“
Кулакова бара правдата да биде целосна, не од одмазда, туку како опомена и заштита за сите идни жртви.
„Барам највисока казна – не за одмазда, туку за правда. За ниту едно дете да не го доживее судбината на Фросина. Правдата нема да ми ја врати, но ќе ми ја врати вербата дека нејзината смрт не била залудна.“
Апел до институциите: Животот на загинатата Фросина заборавен
Мајката заклучи дека ова судење не треба да се гледа како постапка за сообраќаен прекршок, туку како борба за човечки живот, за морална и општествена одговорност.
Извор: 360 степени