Потпретседателот ја бранеше стратегијата на администрацијата
Потпретседателот на САД, Џеј Ди Венс, продолжи да ја брани стратегијата на американската администрација кон Иран, оценувајќи дека конфликтот траел онолку колку што првично предвидел претседателот Доналд Трамп.
Според Венс, активниот конфликт траел околу четири до шест недели, а двете земји во моментов се наоѓаат во прекин на огнот.
– Ќе имаме добра спогодба што всушност ќе им го обезбеди на американскиот народ она што им е потребно, или ќе се вратиме на кинетичка операција. Очигледно, претседателот претпочита да ја добие таа спогодба. Мислам дека Иранците претпочитаат да ја добијат таа спогодба. Но, без оглед на тоа во која насока претседателот на крајот ќе се сврти, што и да одлучи на крајот, мислам дека е важно американскиот народ да знае две работи. Прво, тоа ќе биде за нивната безбедност и нивниот просперитет. Затоа го правиме ова – истакна Венс.
„Ова нема да трае вечно“
Венс порача дека американската администрација нема намера да влегува во долготрајна војна.
– И второ, нема – ова нема да биде нешто што ќе трае вечно. Мислам дека многу Американци, особено во мојата генерација кои се загрижени за вечни, бескрајни конфликти, мора да запомнат, мислам дека рековте 11 недели. Голем дел од тоа беше прекин на огнот. Ова не е вечна војна. Ќе се погрижиме за работата и ќе се вратиме дома. Тоа е она што го вети претседателот. И токму тоа ќе го испорача – порача Венс.