Шпанија, Ирска, Холандија, Исланд и Словенија нема да учествуваат
Пет европски земји – Шпанија, Ирска, Холандија, Исланд и Словенија – го најавија повлекувањето од Евровизискиот натпревар за песна во 2026 година, во знак на протест против учеството на Израел.
Радиодифузерите што стојат зад одлуката делумно ја поврзуваат со воената операција на Израел во Појасот Газа, која започна по нападот на палестинската група Хамас во октомври 2023 година. Дел од медиумите изнесуваат обвинувања за геноцид, кои Израел категорично ги отфрла.
Дебата за неутралноста на натпреварот
Во јавната расправа се појавуваат ставови дека земји вклучени во вооружени конфликти не треба да учествуваат на меѓународни музички настани.
Според тие гледишта, присуството на Израел и Украина може да влијае врз гласањето и да ја доведе во прашање политичката неутралност на Евровизија.
Ретко масовно повлекување во историјата на Евровизија
Сличен обем на бојкот се случил само еднаш претходно, во 1970 година, кога повеќе земји не учествувале на натпреварот.
Евровизискиот натпревар започна на 10 мај во Виена, а финалето е закажано за 16 мај. Во меѓувреме, победникот од 2024 година, Немо од Швајцарија, одби да ја прими наградата поради учеството на Израел. Европската радиодифузна унија претходно го откажа планираното гласање за евентуално учество на Израел во 2026 година.