Oд денеска по најновиот автопат Штип-Миладиновци ќе плаќаат патарини на три места, Кадрифаково, Преод и Миладиновци. Возач на автомобил во двата правци ќе го чини 320 денари.
На автопатот во должина од 47 киломeтри граѓаните патарина ќе плаќаат трипати. На „Кадрифаково“, „Преод“ и постојната наплатна станица „Миладиновци“. Или 320 денари во двата правци. Тоа ќе биде сериозен удар по џебот на сите граѓани, но особено на оние кои поради работни обврски секојдневно патуваат во Скопје. Тие годишно за патарини ќе треба да издвојат дополнителни 1000 евра.
А на свлечиштата иако се работи сеуште не се целосно санирани. Државата за тоа троши 750 илјади евра.
Од Министерството за транспорт и врски велат активно се работи на двете локации, но во меѓувреме се појавил и нов одрон во близина на наплатната рампа кај Миладиновци, а професори од Градежниот факултет ќе бараат начини за спречување одрони и на неколку други места.
Изградбата на двете нови наплатни станици чинеше 4,8 милиони евра, пари од кредиот под ЕБОР што државата го зеде за модернизација и изградба на нови патарини.