Лекарите апелираат граѓаните кои спаѓаат во ризичните групи како што се лицата над 65 години, хронично болните и бремените жени да се вакцинираат со вакцината против сезонскиот грип.

За вакцина против грип веќе се пријавиле над 10 000 граѓани, од кои што најголем дел се лица над 65 години. Сепак засега нема информации кога ќе започне вакцинацијата, бидејќи се уште се чека да пристигнат вакцините. Според најавите од министерството за здравство државата ќе набави 40.000 вакцини.