„Сејф сити“ стартува од 1 јануари
Системот „Сејф сити“ и поставените камери ќе започнат со работа од 1 јануари следната година. Министерството за внатрешни работи (МВР) ќе има доволно време да ги евидентира сите новорегистрирани возила и да ги усогласи податоците со останатите институции, со цел прецизно утврдување на начинот на казнување.
Возачите кои ќе направат прекршок ќе добиваат СМС порака или е-пошта со фотографија од прекршокот во рок од 24 часа.
Тестирање на камерите и најчести прекршоци
Министерот Тошковски изјави дека полицијата веќе ги тестира поставените камери низ Скопје. Најчестите прекршоци кои биле евидентирани се пречекорување на дозволената брзина и поминување на црвено светло.
„Пари веднаш ќе ви бидат повлечени од сметка“: Познато е на како ќе функционираат камерите во Скопје
Зголемен број казни, но и намалени несреќи
Иако полицијата продолжува со рекордно изрекување на казни, возачите сè уште не ги почитуваат сообраќајните правила. Само вчера биле изречени 796 прекршочни казни, од кои:
- 146 за пречекорување на брзината,
- 50 возачи биле фатени без возачка дозвола,
- 8 биле под дејство на алкохол.
Според министерот, засиленото полициско присуство доведе до намалување на бројот на сообраќајни несреќи.
Јавна дебата за новите законски измени
На 21-ви овој месец ќе се одржи јавна дебата за измените во законската регулатива со цел зголемување на безбедноста во сообраќајот. На дебатата ќе учествуваат експерти, професори, судии и претставници од МВР.
Според министерот Тошковски, по сублимирањето на заклучоците, измените ќе бидат доставени до Собранието за гласање во најкус можен рок.